احنا ما ندري شنو نبي بالضبط

مساكم الله بالخير

الكثر الكثر من المتداولين ما عنده اي استراتيجية واضحة للتداول في السوق

وعلى كثر الخبرة والتجارب والطراقات الي ياخذها المتداول في السوق وانا واحد منهم

ما زلنا نقع في نفس الاخطاء ونتخذ نفس القرارات بناءا على نفس المعطيات

وكما يقال

من السذاجة ان تعمل نفس العمل وبنفس الطريقة وتتوقع نتائج مختلفه

المشكلة مثل ما ذكرت ماندري شنو نبي وبالتحديد ما عندنا استراتيجية واضحة للتداول كما ذكرت في موضوع سابق

يعني مرة نبي نكون مستثمرين ومرة نبي نصير مضاربين

مرة نبي نعتمد على التحليل الفني ومرة نبي نعتمد على التحليل الاساسي

مرات نبي نمشي على الاشاعات من الاخبار ومرات نبي نعتمد على التوصيات

ان صعد السوق قلنا السوق صعد انتبهوا

وان نزل السوق قلنا السوق نزل انتبهوا

ومرات نمشي على سياسة القطيع

والنهاية ان اغلبنا مع الخيل يا شقرا

الحل ان تكون عندك استراتيجية واضحة وخط واضه وهدف واضح من دخولك للسوق حتى تقدر تقيم ادائك وتعرف شنو مشكلتك ووين اخطائك عشان تتفاداها


تتفقون معاي او لا ؟



ممكن اتكلم مستقبلا عن شي من استراتيجايات التداول


والله الموفق