بسم الله الرحمن الرحيم
قد يستغرب القاريء الكريم عندما يرى العنوان وما علاقته بأسواق المال
اترككم مع الموضوع وهو للعلم منقول
أخواني الحمد لله بعد فتره كبيره من التداول في البورصة والخساير الجايده وضيقة الصدر عرفت شنو سبب خسارتيانا طول عمري الحرام مو ماشي معاي من بديت اتداول وانا مافرق بين سهم شرعي وموشرعي والله يااخواني اني اعطي نصايح وتوصيات على اسهم متاكد انها راح ترتفع والناس تاخذ بنصيحتي وتربح وانا مادري شلون ولاتسالوني ليش وشنو يصير معاي والله مادري مااشتري السهم وروح لسهم ثاني ماني مقتنع فيه ومن خساره الى خساره وضيقة صدر وبالقلت يمكن سحر يمكن عين قلبتها مالقيت شي من الي طاف انا امسك السهم واحلله وعرف الاسهم سهم سهم ومتى يتحرك وشكثر وحافظ الشركات والمجاميع والصناديق والمحافظ وطريقة شغلهم واسلوبهم بالتداول ومع هذا خسران خساير تشيب الراسوفي يوم وانا قاعد افكر الفجر والنوم مجافيني قلت حق روحي الحين انت ليش قاعد تتداول باسهم ربوية ماتعرف شنو يعني الربا وموحرام عليك توكل اعيالك حرام وانت تدري ( كل جسد نبت من السحت فالنار اولى به ) انت شقاعد تسوي ليش تدخل مال حرام بيتك وتوكله عيالك ماتشوف نفسك مهموم جانك ربحان ولاخسران ماتشوف فلوسك مافيها بركة الدينار والالف نفس الشي ومالها نكههوبديت ادور عن الفتاوي والايات لما اقتنعت وندمت ندم والله ياجماعة يحرق الصدر ودموع التوبه غسلت ملابسيورحت للكمبيوتر وشيل كل التحاليل والسجلات للاسهم الربوية وجمع الاسهم الشرعية بروح وافرزهم الي يصلح للمضاربة والي يصلح للاستثمار وصفيت المحفظة من الاسهم الربوية وحذفتها على المعروض الله لايردها ( والله يغنيني بحلاله عن حرامه )ياجماعة انا الحين احس اني تغير ت 180 درجة احس اني خفيف مثل الريشة احس اني امشي على طرف اصابعي وماحوش الارض ورجعت البسمه والضحكه وحس اني راضي عن نفسي واذا اخسر ولا اربح مستانس اربح بالحلال تلقاني قمة الفرحة واذا خسرت ماازعل وقول لروحي تخسر بالحلال ولابالحرام والله يعوضكاخواني والله اني احبكم بالله وابيلكم الفايده اسمعوا نصيحتي ابعدوا عن الربا والشركات الغير شرعية وشوفوا احوالكم شلون راح اتغير ونفسياتكم شلون راح تصير لو تربح يوميا شي بسيط بالحلا ل احسن من الحرام والله يطرحلك فيه البركة وتشوف الدينار الحلال شلون يفرق عن الحراماليوم اول يوم لي اتداول بالاسهم الشرعية شريت اعيان العقارية وبعتها بمربح 200 دينار والله اني فرحان فرحة اول مره اجربها والله اني كنت اربح الف دينار مااحس بفرحة لانها حرام حرامطولت عليكم بس هذا اللي صار معاي وهذي سالفتي انشاء تستفيدون منها وتوبون وتحسون بلذة التوبه والفلس الحلالوالله يغنيكم بحلاله عن حرامهابي اضغط اعتمد المشاركة وانا مادري شنو الي كتبته
التعليق
يا اخوان هذي قصة توبه احد الاخوة الافاضل واسال الله العلي القدير ان يبعدنا عن الحرام فسارع اخي في التوبه فلا تعلم متى تلقى الله
اخوكم
ستوك
13 comments:
نسأل الله أن يثبتنا وإياه على الطاعة
الله يغنيه و يغنينا بحلاله عن حرامه
و شكرا
كلام مو منطقي الحقيقة !!
تلقاه مسوي دعاية حق هالاسهم اللي من هالنوع ... المنتديات صارت سوق ماصلي كل من ينثر بضاعته والامور ماشية
العقل نعمة
Q8links
امييين
mtfa2el
امين اجمعين ان شاء الله
وحياك الله تو ما نورت المدونه :)
bo_sale7
الاخ العزيز بو صالح
اولا حياك الله
ثانيا اخوي شنو هالشي الي مو منطقي بالله عليك؟؟
لما يترك الحرام ويتجه الى الحلال !!
او لما الشخص يتوب تعتبر هذي دعايه
الله يهديك بس يبه هذا ربااا مو لعب يهااال
هذي كبيرة من الكبائر الي حرمها الاسلام والربا كما قال عليه الصلاة والسلام ادناها ان ينكح الرجل امه!!!
مشكوور على الزيارة
اخوكم
ستوك
هذا الحجي اللي مو منطقي ومبين انه بس يبي يسوق حق هالاسهم بأي طريقة :
غسلت ملابسيورحت للكمبيوتر وشيل كل التحاليل والسجلات للاسهم الربوية وجمع الاسهم الشرعية بروح وافرزهم الي يصلح للمضاربة والي يصلح للاستثمار وصفيت المحفظة من الاسهم الربوية وحذفتها على المعروض الله لايردها ( والله يغنيني بحلاله عن حرامه )ياجماعة انا الحين احس اني تغير ت 180 درجة احس اني خفيف مثل الريشة احس اني امشي على طرف اصابعي وماحوش الارض ورجعت البسمه والضحكه وحس اني راضي عن نفسي واذا اخسر ولا اربح مستانس اربح بالحلال تلقاني قمة الفرحة واذا خسرت ماازعل وقول لروحي تخسر بالحلال ولابالحرام والله يعوض
الحين واحد داش السوق يبي يستفيد يقوم يقط على المعروض ولا قام يرضى بالخسارة دام حلال !!
شحقه داش السوق اذا تبي الخسارة ؟؟ روح بطل بقالة وترزق الله
ارجع واقول العقل نعمة
وشكرا على الترحيب
والله يا عزيزى هالسالفة ترى شائكة وفيها قولين والله العالم
الاول
عدم الجواز بالتعامل فيها نهائيا
والثانية
ان يمكن التعامل مع الشركات المختلطة يعنى يكون فى جزء من استثمارها ماله شغل بالربا
والاخ اللى كاتب هالرسالة الله يبارك له و التجارة صعبة صايرة مو سهلة
هلا بو صلوووح
يا اخوي انت من صجك واحد يسوق حق هالاسهم
الاسهم هذي ما تحتاج تسويق نتائجها المالية كافيه انها ترد على اي شخص وعلى راسها بيت التمويل الكويتي
بس انك تقول يقط على المعروض!!! ياخي سبحان الله الواحد ان كانت توبته صادقة نابعه من القلب هذا الي راح يصير معاه خصوصا لما الانسان يذوق حلاوة التوبه وحلاوة الايمان
ما اعز المؤمن بايمانه
ولقد صدق بلال حين سئل" هل كان تعذيب الكفار فيه الم وكيف صبرت عليه"
فاجابهم " خالطت حلاوة الايمان بمر العذاب فطغت حلاوة الايمان" او نحوها
الريال ما قالك انه داش البورصة عشان يخسر لكنه قال لو قارن بين انسان يحسر واهو ماشي بالحلال اهون عنده من انه يخسر واهو مرتكب الحرام
بالحالة الثانية يكون خسر الدين والدنيا
بو صلوح حلنا نحسن الظن بالاخرين وعلى فكرة ماكو شي خرب الديرة الا النوايا السيئه
موفق ان شاء الله
اخوي مشاري
الله يعطيك العافيه على زيارتك
اخوي العزيز الراجح من الاقوال هي حواز التداول بالشركات المختلطة بضوابط معينه قد وضعتها هيئات الفتوى لدى بعض الشركات
ممكن بالمستقبل القريب ان شاء الله انزل موضوع بالقائمة الشرعية ان شاء الله
موفقين جميعا
اخوكم
ستوك
قصة حلوة يا ستوك ..
بس الله يهديك لو معدل فيها و مفرق الكلام لأنك مسوي قص و لزق من غير تعديل للبدليات !!
عسى الله يتوب عليه ويعوضة خير , ذكرتني بحديث النبي صلى الله عليه وسلم : من ترك شيئاً لله عوضه الله خير منه" .. أعتقد .. واخوي ستوك يصحح لي .. أن الشركات الاسلامية الآن بدأت تحقق أرباح خيالية لو قارنها بالشركات الربوية التقليدية .. هذا من فضل الله عينا حيث يريدنا أن نتجه للحلال الطيب .. ولا عزاء للشركات السحتيه ..
ربما يسمح لي أخوي ستوك أن أزيد على رده، وما على كلامه زود
أخوي بو صالح
من الناس من لا يرى بأسا في التعامل بالربا، أعيذك أن تكون منهم
وإذا رأى من يدعو إلى ترك الربا يسيء به الظن ويحسب أنه يعمل دعاية للأسهم الإسلامية!ء
وأنا أفترض فيك حسن النية ونبل المقصد، لكن أتمنى لو زدت على ذلك إحسان الظن والتحرج من التعامل الربوي
يا أيها الذين آمنوا اتقوا الله وذروا ما بقي من الربا إن كنتم مؤمنين، فإن لم تفعلوا فأذنوا بحرب من الله ورسوله
القضية قضية إيمانية وشرعية، أرجو إنزالها ذلك المقام فقط
ملاحظة إلى ستوك
يا اخوي من زمان ما كتبت شي
قول لنا سهم أعيان في نقطة شراء الآن؟
هلا بو وليد Kuw_Son
والله يا اخوك انتبهت لها متاخر :)
العزيز الحارث بن همّام
والله يا اخوك الشركات السحتيه لو انها تحقق ارباح قوة بس مامنها بركة
العبرة مو بكثرة المال ولكن العبرة في البركة !!
هلا بو احمد Q8links
حياك الله :)
صدقت يا اخوي
صار عندنا الحين الاصل سوء الظن والله المستعان
موفقين
اخوكم
ستوك
هناك حملة للعمل من أجل الكويت عند مدونة الطارق
هنا
أرجو المشاركة إذا أحببت
Post a Comment